Вашій увазі пропонуються лемківські колядки: "Ой над Лемківщыном", "Стала-ся нам новина". 

Стала-ся нам новина

Стала-ся нам тай новина часу єдного,

Ой, ідме, ідме, тай привитайме Царя нашого / 2 р.

А цар Ірод довідав-ся і в сьвіт полетів,

Казав стинати малиі діти по цьілім сьвіті / 2р.

А Йосиф з Марійом, Йосиф з Марійом, ся довідали,

През Єрусалим аж до Єгипту з Христом втікали / 2р.

Летіли без горы, летіли без ліси: хлоп пшеницю жав.

-Дай, Боже, шчесьтя, хлопе робяшчый, заран будеш жав / 2р.

Зас цар Ірод розгнівав-ся – нихто знати не дав,

Летів без горы, летів без ліси: хлоп пшеницю жав /2р.

-Дай ти, Боже, шчесьтя, помагай Боже! Хлопе робяшчий,

ци-с не видів дакой невісты з Дітям носяшчи? / 2р.

-Видів єм царя, видів єм пана, як пшеницю жав.

-Бодай тя, хлопе, кат мечом втяв, же-с знати не дав! /2р.

-Хтів єс трафити на Ісуса, Сына Божого –

Не одбереш Му Царства небесного, бо Царство Його. / 2р.

Стала-ся нам тай новина часу єдного,

Ой, ідме, ідме, тай привитайме Царя нашого / 2 р

Ой над Лемківщыном

Ой над Лемківщыном

Ясна зьвізда сьвітит

То Сын Божий ліпшу долю

Для нас всіх приносит.

А ми, братя лемкы,

Будем єму милі.

Низкий поклін і молитву

Несме му к офірі.

Най Дитятко Боже

О нас не забиват.

Лем си з нами в смутку, в честю

Навік най пребиват.

Най ся згляне на нас

З неба високого.

Най поможе в тяжкій біді

В хыжині каждого.

Вірме шытки твердо,

Майме все то в серци.

Запанує світло й правда

На наший земельці
.