Лемківські вінчування

Стала ся нам велика новина –

Діва Чыста породила Сына

В той короні ангельской

В той чыстоті панєнской.

В той хвили, в той хвили.

Вінчую Вам, господарю милий –

Жеби ся Вам овечкы родили,

Жеби черство порскали,

А Вы здави зостали.

В той хвили, в той хвили.

Вінчую Вам, господинько мила –

Жеби ся Вам пшеничка родила,

Передню си сховайте,

А позадню нам дайте.

В той хвили, в той хвили.

Вінчую Вам, Ви гарні дівочкы –

Што-б сте мали на главах віночкы,

Што-б сте мужів достали,

Х ними здави зостали.

В той хвили, в той хвили.